يَمناي بلا يَسراي جِليلْ منفوعها

صايْحِهْ ولا صايِحٍ عليه

طاسِة في خِري

ما يِنْفَعْك اللّي عِنْد خِلاّنِك واخوانِك يِنْفَعْك اللّي في ثْبانِك

لي يثوِّر في الرخمة رْخَمَة مِثِلْها

إِلْحظ لِلْشَّلْقا والبَلْقا وخايبة، أو (عديمة الْمِلْتِقى)

إِلعوقْ عوق الضِّرس والهَم هم العِرْس

اْلِمْغَسِّل ما يِضْمَن الجنِّه

كِلْ من يْهيْل اليِمَر صوب قرصه

خِذْ علوم الدّارْ من صْغارْها

لي ياكل المِر ما ييه ضَر

حامِيْها حرامِيْها

إِلكَذْب حَبْلِه قِصير

دايِرْ بين اليِمَلْ واشْدادِه

الروس نامَتْ والبِصابِصْ قامَتْ، أو (روسٍ نامَتْ وبِصابِصٍ قامَت)

إِلعِشْب يَنْبِتْ تَحت اْلِحْضار

مَحَّد يقول دِبْسي حامِض

لي ما يْشِلْ الجِدَحْ بِيَدِه ما يِرْوَى

تَاكِلْ ولا تِنْوِكل

لي عُوقَه من بَطْنِه ما تيه العافيه